Mbappé oo Yamal Hadal Lama Filaan ah Ka Yiri
Kylian Mbappé ayaa hadal cusub ka yiri Lamine Yamal xilli ay si weyn u kulushahay doodda ku saabsan Ballon d’Or 2026, iyadoo labada xiddigood ay ka mid yihiin magacyada ugu badan ee lagu xusayo tartanka abaalmarinta.Lamine Yamal ayaa hore uga hadlay fursaddiisa Ballon d’Or, isaga oo muujiyay kalsooni weyn oo ku aaddan inuu ku guuleysan karo abaalmarinta.
Hadalkaas ayaa si gaar ah u soo jiitay dareenka taageerayaasha kubadda cagta, maadaama Mbappé uu yahay mid ka mid ah xiddigaha sida weyn ula tartamaya.
Mbappé markii wax laga weydiiyay Yamal kama uusan jawaabin qaab muran dhalinaya, balse wuxuu doortay inuu ammaano da’yarka Barcelona. Xiddiga reer France ayaa Yamal ku tilmaamay ciyaaryahan tayo gaar ah leh, isaga oo sidoo kale sheegay inuu filayo mustaqbal weyn oo kubadda cagta ah.
Mbappé wuxuu sidoo kale xoogga saaray in waxa garoonka ka dhacaya ay yihiin waxa ugu muhiimsan, isagoo muujiyay in waxqabadka ciyaaryahan uu yahay waxa ugu weyn ee lagu qiimeeyo marka laga hadlayo Ballon d’Or.
Hadallada cusub ee Mbappé ayaa mar kale soo nooleeyay doodda isaga iyo Yamal, iyadoo taageerayaashu ay si weyn u sugayaan cidda ugu dambeyn ku guuleysan doonta Ballon d’Or 2026.
