Harry kane oo sameeyay rikoor cusub oo Bundesliga ah.

Weeraryahanka Bayern Munich iyo xulka qaranka England, Harry Kane, ayaa dhigay rikoor cusub oo taariikhi ah oo Bundesliga ah, kadib markii uu 100 gool ku dhaliyay 98 kulan oo uu u saftay kooxda reer Bavaria.

Kane ayaa rikoodhkan cusub dhigay kaddib markii uu laba gool ka dhaliyay kulankii Bayern Munich ay 7–0 kaga adkaatay Union Berlin.

Goolka hore ee labada gool ee uu dhaliyay ayaa ka dhigtay ciyaaryahanka Ingiriiska midka ugu dhaqsaha badan ee taariikhda Bundesliga ku gaara 100 gool.

Harry Kane ayaa Bayern Munich ku biiray xagaagii 2023, kaddib markii uu ka soo dhaqaaqay Tottenham Hotspur, oo uu ku qaatay ku dhowaad 20 sano oo uu qayb ka ahaa safarkiisa kubbadda cagta.

Tan iyo markii uu yimid Jarmalka, Kane wuxuu si joogto ah u muujiyay awooddiisa gool dhalinta, isaga oo noqday mid ka mid ah weeraryahannada ugu muhiimsan Bayern Munich iyo guud ahaan dunida kubadda cagta.

100-ka gool ee uu dhaliyay 98 kulan gudahood ayaa ka dhigay ciyaaryahan si gaar ah uga dhex muuqda taariikhda horyaalka Jarmalka, iyadoo xawaaraha uu rikoodhkan ku gaaray uu yahay mid aan hore loo arag.

Kane ayaa xilli ciyaareed kasta tan iyo markii uu Bundesliga yimid muujiyay joogteyn dhinaca gool dhalinta ah, isaga oo mar kasta door muuqda ka qaata weerarka Bayern Munich.

Waxqabadkiisa ayaa sidoo kale sii xoojiyay doorkiisa hoggaamineed ee kooxda, waxaana uu noqday weeraryahan si weyn loogu tiirsan yahay marka ay Bayern doonayso inay natiijooyin muhiim ah ka gaarto tartamada gudaha iyo kuwa Yurub.

Qaab ciyaareedka caajiibka ah iyo tirada goolasha uu Kane dhaliyay ayaa mar kale caddaynaya sababta uu ugu qalmo Jaa’isada Ballon d’Or, oo ah abaalmarinta ugu caansan ee la siiyo ciyaaryahanka kubadda cagta ugu sarreeya sannadka.

Kane ayaa weli haysta fursad uu ku sii xoojiyo rajadiisa ku saabsan inuu ka mid noqdo musharraxiinta ugu waaweynee loo saadaalinayo abaalmarintii, iyadoo waxqabadkiisa Bayern Munich uu siinayo rikoodh shaqsiyeed oo cajiib ah.

Gabagabadii, Harry Kane wuxuu sii wadaa inuu magaciisa ku qoro taariikhda Bundesliga.

100 gool oo uu ku dhaliyay 98 kulan ayaa muujinaya heerka joogteynta weeraryahanka Ingiriiska, waxaana rikoodhkan cusub uu noqon karaa mid ka mid ah marxaladaha ugu muhiimsan ee waayihiisa ciyaareed ee Jarmalka.