Arsenal oo dagaal adag ku heshay guul, Tottenham oo weli raadinaysa in ay gool dhaliso.

Kooxaha reer London ayaa xalay soo bandhigay laba kulan oo natiijooyin kala duwan leh. Arsenal ayaa guul muhiim ah oo ay si adag ugu dagaallantay ka soo gaartay Sunderland, taasoo u sahashay inay qabato hoggaanka Premier League-ga, halka Tottenham Hotspur ay ku qasbanaatay in ay barbaro goolal la’aan ah kula heshiiso Everton oo soo booqatay garoonkeeda.

Arsenal oo guul muhiim ah ka gaartay Sunderland.

Arsenal, oo ah kooxda difaacanaysa horyaalka Premier League, ayaa booqatay Sunderland, iyadoo raadineysay saddex dhibcood oo ay ku sii adkeyso loollanka horyaalka.

Kulanka oo ahaa mid adag, labada kooxood ayaa qeybtii hore ku kala nastay barbaro 0-0 ah, iyadoo Sunderland ay muujisay inay diyaar u tahay inay si adag ula tartanto kooxda martida ahayd.

Markii la isku soo laabtay qeybtii labaad, Sunderland ayaa heshay fursad ay ciyaarta hoggaanka ugu qaban karto, kaddib markii loo dhigay gool-ku-laad daqiiqaddii 56-aad. Si kastaba ha ahaatee, Enzo Le Fée ayaa kubadda waxaa ka badbaadiyay David Raya, taasoo ka dhigan in fursaddii dahabiga ahayd ay khasaarisay Sunderland.

Laba daqiiqo kaddib, Arsenal ayaa jawaab degdeg ah ka bixisay. Bruno Guimarães ayaa shabaqa Sunderland ku hubsaday goolkii furitaanka, kaddib caawin uu ka helay Declan Rice, taasoo Arsenal siisay hoggaanka ciyaarta.

Sunderland ayaa intaas kaddib sameysay dadaallo badan oo ay ku dooneysay inay ciyaarta ku soo laabato, balse ma aysan awoodin inay jebiso difaaca Arsenal.

Arsenal ayaa ugu dambeyn heshay gool-ku-laad kale daqiiqaddii 97-aad, waxaana gool u beddelay Bukayo Saka, kaasoo xaqiijiyey saddexda dhibcood ee kooxda.

Guushan ayaa Arsenal siisay fursad ay kula wareegto hoggaanka kala sarreynta Premier League-ga, iyadoo hadda sugeysa natiijada Manchester City si loo ogaado haddii ay si rasmi ah ugu kaliyeesan karto hoggaanka.

Tottenham oo weli ku dhibban dhalinta gool epl ah.

Dhanka kale, Tottenham Hotspur ayaa garoonkeeda ku qaabishay Everton, kulan adag oo ay labada kooxood muujiyeen difaac wanaagsan.

Labada kooxood ayaa helay fursado ay ciyaarta ku kala qaadi karaan, balse difaacyada iyo goolhayayaasha ayaa si fiican uga shaqeeyey sidii loo ilaalin lahaa shabaqyada.

Kulanka ayaa ugu dambeyn ku soo gabagaboobay barbaro 0-0 ah, taasoo Tottenham ku sii reebtay xaalad walaac leh.Tottenham, oo xagaagii suuqa kala iibsiga ku bixisay lacag lagu qiyaasay €425 milyan, ayaa weli ku dhibban dhinaca weerarka, iyadoo kooxda ay hoggaamiso Roberto De Zerbi ay ku fashilantay inay dhaliso goolkeedii ugu horreeyay ee Premier League-ga xilli ciyaareedkan kadibafar kulan oo ay dheeshay

.Dhibaatada ugu weyn ee kooxda ayaa u muuqata inay tahay dhammeystirka fursadaha ay abuuraan, iyadoo weeraryahannadu aysan weli ka faa’iideysan fursadaha ay helayaan.

gebagabadii, Arsenal ayaa saddex dhibcood oo muhiim ah ka soo heshay Sunderland, halka Tottenham ay weli ku dhibban tahay goolal la’aanta kaddib barbaro 0-0 oo ay la gashay Everton.